Eduardo Inda. Argazkia: El Plural

Eduardo Inda kazetari nafarra Espainiako hedabideetako tertulietako gonbidatua izaten da. Egun, oso ezaguna Nafarroan eta Nafarroatik at. Familia abertzale erregionalista batetik sortutako semea da, azken urteotan izar bihurtu dena. Polemikoa beti, oraingoan harrapatu dute gezurretan bete-betean. Non eta Altsasun, Sakanako herrian. Bideoak atsegin badituzu, harpidetu eta "atsegin bat" jarri.


Benetan gertatu zena, eta Eduardo Inda eta Pablo Casado PPko idazkari nagusiaren montaia erakusten duena hurrengo grabazioan doa.




Argazkia: eskerrik asko argazkia uzteagatik eldiario.es



Inbertitzaile batzuk daude Navalentzat baina oraindik ez dago akordio zehatzik finkatuta. Etzi bukatzen da Navaleko 176 langileak kaleratzeko erregulazioaren kontsulta epea. Ekonomia sailburuak esan duenez, Navalen interesa azaldu duten inbertitzaileak agertu dira baina hauek langileen kaleraketa gauzatu ondoren sartuko lirateke.

Inbertitzaileek proiektua onartzen badute, Eusko Jaurlaritza eta Bizkaiko Aldundia laguntzaile izango dira baina ezingo dute inolaz ere proiektua lideratu. Arantxa Tapiak, Ekonomiaren Garapeneko sailburuak, bi inbertitzaile mota daudela adierazi du: ontziolaren lanarekin jarraitu nahi dutenak eta ontziolaz gain, eraikuntza sektorean ere sartuko direnak.

Hala ere, inbertitzaile hauek diru kopurua jakitera bakarrik hurbildu dira, Navalek ez du eskaintza sendorik jaso.

Nafarroako Polizia Judizialeko kideak baieztatu dute, gaur arratsaldean, egongoelan aurkitu duten gorpuzkia bart gauean Artaizen su hartu zuen etxeko jabea dela. 

Autorea: Foruzaingoa

SOS Nafarroak bart gaueko 00:33 aldera jaso zuen sutearen abisua eta suhiltzaileak gau osoan ibili dira sua itzaltzen.

Nafarroako Gobernuak ohar baten bidez adierazi du gizon bat bizi zela bertan eta haren bila zebiltzatela; ez zekitelako non egon zitekeen bere autoa garajean zegoelako eta bere familiakoak ezin izan zirelako berarekin harremanetan jarri. 

Gaur goizean hasi dira etxeko hondakinak kentzen gizona, sutea hasi zen momentuan, etxean zegoelaren aukera baztertu edota baieztatzeko asmoarekin. Gauean ezinezkoa egin zaie lan honekin hastea argitasun falta eta habe edota teilatuko zaborrak erortzeko arriskua zegoelako, zati bat lurrera eroria zegoelako. 

Sutearen jatorria beheko solairuan zeuden galdara eta erregai gordailuan izan da; hortik etxe osora zabaldu direlarik.      
Iruñako UHUN liburutegiak ordutegia moldatu du urtarrileko azterketak direla eta. Era horretan, betiko ordutegiaz gain (astelehenetik ostiralera 9:00tatik 14:00tara eta 16:00tik 21:00tara) , urtarrileko 12, 19, 20, 26 eta otsaileko 2 eta 3an liburutegia zabalik mantenduko da goizeko 9retatik gaueko 9etara. Hau da, larunbata eta igandeetan liburuko zerbitzua mantenduko da.

Liburutegiak 137 ikasketa postu ditu eta azterketa garaian ikasle askok erabiltzen dute liburutegia ikasi ahal izateko. Era horretan, urtarrileko azterketa garaian larunbat eta igande batzuetan zerbiztua eskaintzea adostu dute.

Iturria: UHUN



Argazkia: Kerman Santiago

Huerta de Peraltako langilek Iruñako kaleetan aldarrikatu zituzten lan-baldintza duinak, pasadan urtarrilaren 7an, LAB saindikatuak babestuta. Langileen kaleratuak berriz onartzea eskatzen dute, eta baita enpresa akordio berrirako nagoziazioak hastea ere. "Eskubide berberak pertsona guztientzat" edo "despido, readmisión", ohiukatu zuten Iruñako karriketan manifestariek.

Greba mugagabea hasi zuten langileek abenduaren 26an, eta hilabete bat betetzen denerako bigarren manifestaziorako deialdia egin dute, "lan duina eta bizi duina" lelopean.

2018aren bukaerarekin dekorazio arloko adituek aurreko 12 hileen azterketa egin eta datozen 12 hileen joerak aurreikustera ausartu dira. Pinteresten kasuan, adituak erabiltzaileak dira, eta gehien bilatzen diren araketei esker joerak agertzen dira. Etxea apaintzeko unean hauek dira joera bilatuenak:

1. Margotutako zoruak
Zurezko nahiz lauzazkoak. Margotutako zoruen araketak %1276an handitu dira. Gehien nabarmentzen direnak kolore ausart eta biziak dira, baita irudi geometrikoak dituzten lauzak ere. 

Argazkia:  Pinterest
2. Horma-irudi geometrikoak
2018ko kolore apal eta apaindurarik gabeko joera minimalista hori guztiz aldatuko da. Izan ere, horma geometrikoen bilaketak %225ean handitu dira.

Argazkia: Pinterest
3. Oihalez apaindutako hormak
Telaz eta larruz apaindutako hormen joera nahiz eta 2018 hasi, 2019an ere joera honek postuetan gora egiten jarraituko du, bilaketak %1718an areagotu baitira.

Argazkia: Pinterest
4. Mustarda hori kolorea
Beste urte batez ere, mustarda kolorea, bai moda munduan zein dekorazio arloan rankingean lehen postuan kokatzen da. Nahiz eta bilaketetan joera honen hazkundea %45 soilik izan, lehen postuetan mantentzen da.

Argazkia: Pinterest
5. Lorategi bertikalak
Erabiltzaileen %287 batek joera hau aukeratu du hormak kolore biziez margotzeko joera hori ordezkatzeko. Etxe barruan nahiz kanpoan jar daitezke, aukeratutako landare moten arabera. Hormak apainduz aparte giro onuragarria dakar eta hainbat adituen ustez, etxeko kideren batek arnasteko arazoak izanez gero joera hau oso osasuntsua izan daiteke.

Argazkia: Pinterest

Estreinatu zen garaian, 1991. urtean, iraultzailea izan zen film entzutetsu honek, hainbat sari irabazi zituen, besteak beste jatorrizko gidoi onenaren Oscar saria. Filmak bi emakumeren istorioa kontatzen du. Beraien bizitza aspergarrietatik ihesi, amaiera harrigarri batekin amaituko da beraien abentura.


Foruzain bat Maravillas gaztetxearen desakojoan Iturria: Twitter @maravillasGTX


Urte berriarekin Gasteizetik iritsi ziren lehen berriak: Udaltzaingoa gaztetxera sartu zen. Bertan zeuden gazteak borraz jo eta hurrengo egunetan atxiloketak burutuz. Egun batzuk beranduago, Gasteizen bertan TALKA gune feministan sartzeko saiakera egin zuten. Bi kasuetan horretarako beharrezkoak dituzten baimenak gabe. Azkenik, Iruñean, Foruzaingoak, Espainiar Estatuko Polizia Nazionalaren laguntzaz, azterketa teknikoak egiteko aitzakian ezkutatuz, Maravillas gaztetxea desalojatu zuten.

Euskal Herriko gune autogestinoatuentzak benetan iluna izan da urte hasiera hau. Urtea Donostiako Alde Zaharreko Kijera gaztetxearen desalojatze aginduaren berriarekin amaitu genuen. 2019aren hasiera ez da xamurragoa izan.

Iruñeako nabarreria plazan auzoa biziberritzen ari zen proiektu autogestionatuarekin bukatzeko erabakia hartu zuen "aldaketaren gobernuak". Borreroa ezberdina izan arren, gordinkeria berdinaz jipoitu dituzte gazteak, itxi dituzte ateak. Hustu zuten Maravillas, adreiluz estali zuten Picassoren Gernika eta burdinez izkutatu dute.

Saldu ziguten gauzak aldatuko zirela, garai berriak bizitzen ari ginela ere esan izan ziguten noizbait, bakea ari zela nagusitzen. Bakeak, ordea, gerra izaten garraitzen zuen.
Orain dela pare bat aste hasi zen urte berria eta horrekin batera ekintza berriak ere. Horregatik eskuragarri dago dagoeneko interneten Landetako 2019 agenda. Bertan urte osoan zehar egongo diren ekintzak azaltzen dira.

74 urte zituela hil da eta ETB1eko 'Gure Doinuak' saioan atera zen azken aldiz telebistan

Argazkia: El Diario Vasco-ri eskerrak 

Iñaki Garmendia Laja trikitilari ezaguna hil da. Maxixatzen herri aldizkariak jakitera eman duenez, joan den igandean Aristerrazun (Aia) ondoezik sentitu eta astebete ospitalean eman ondoren, larunbat eguerdi honetan hil da. Igandeko erromeria bertan behera utzi dute Lajaren heriotzagatik Aristerrazun.

Azkoitian jaio zen Iñaki Garmendia 1944an. Laja baserria zuen jaiotetxea eta handik hartu zuen izen artistikoa. Oso txikitan hasi zen soinua jotzen eta Ramon Zubizarreta Landakandarekin batera, Laja eta Landakanda bikotea osatu zuen. Euskal Herri osoan zehar aritu ziren, plazaz plaza, urteetan.

Laja eta Landakanda trikitixaren munduan sona handiko bikotea izan zen eta arrastoa utzi zuen trikitixaren zein euskal musikaren historian. Makina bat euskaldunek dantza egin dute haien doinuekin. Azken urte hauetan Laja eta Mikel bikotearekin aritzen zen plazarik plaza. 
Euskal Herriko Trikitixa Elkarteak 2016an "Laja, trikitixaren zubia" liburua kaleratu zuen, haren biografiarekin. Joxemari Iriondo kazetariak idatzi zuen biografia hura eta idazlea nahiz protagonista bera Euskadi Irratiko Arratsean saioan izan ziren handik hilabete batzuetara, liburu hura osatzeko zenbat hitz aspertu egin zituzten eta prozesua bera nolakoa izan zen kontatzen.