Jose Manuel Santos Kolonbiako presidenteak eta Rodrigo Londoño Echeverri Timochenko FARCeko buruak, Cartagenan (Kolonbia) sinatu dute 52 urteko gerrari amaiera eman dion ituna. Sinaduraren zeremonia Kolonbiako arratsaldeko bostetan hasi da, Nafarroako gauerdian, eta 2.500 gonbidatu inguru izan ditu, Juan Carlos I.a Espainiako errege emeritua eta beste 15 nazioarteko agintari barne.  Datorren urriaren 2an, kolonbiarrek, sinatutako 297 orrialdeko akordioa baietsi edo gaitzetsiko dute erreferendum batean.

Habanako bake negoziazioak
Londoñok barkamena eskatu du gerrillak sortu duen minagatik (300.000 hildako inguru), eta argi utzi du “armarik gabe” joango direla politikara. Santosek bestalde, adierazi du “perfektua ez den” akordio bat nahiago duela “hiltzen jarraitzen duen gerra perfektua” baino. Amaitzeko, Hugo Chavez Venezuelako presidente izan zenaren, Fidel Castroren eta Kubaren bitartekaritza lanak nabarmendu dituzte bakea lortzeko prozesuan.
Axact

Nafarberri

Nafarberri deritzon infogune nafar honetan argitaratzen diren artikulu eta edukiak idazlearenak berarenak dira eta Berriemaile-k ez du zertan bat etorri behar agertutako iritziarekin. Nafarberri Euskal Herriko Unibertsitateko ikasle zenbaitek eta nafartzale batzuek egindako lanari esker argitaratzen da.

Egizu iruzkina:

0 comments: